JuHİ. Bakı. 11.12.2020. “KİV işçiləri 44 günlük Vətən müharibəsində, cəbhə xəttində həm xəbər istehsalçısı qismində, həm də səfərbərlik proqramı çərçivəsində cəlb edilmiş döyüşçü qismində iştirak ediblər. 44 günlük Vətən müharibəsinə qismən səfərbərlik və digər proqramlar çərçivəsində cəlb edilmiş, cəbhə xəttinə göndərilmiş, döyüşlərdə iştirak etmiş jurnalistlərin siyahısı hazırlanıb. Mətbuat Şurasının sədr müavini, Jurnalistlərin Həmkarlar İttifaqının (JuHİ) sədri Müşfiq Ələsgərli bildirib ki, təmsil etdiyi hər iki qurum 27 sentyabr 2020-ci il tarixdən-Vətən müharibəsinin ilk günündən başlayaraq KİV təmsilçilərinin fəaliyyəti ilə bağlı monitorinq aparıblar, prosesləri diqqətdə saxlayıblar, zərurət yaranan anda uyğun dəstək veriblər.
Ələsgərli bildirib ki, qeyd edilən dövrdə təqribən 31 nəfər jurnalist ehtiyatda olan zabit və digər kateqoriyalar qismində səfərbərlik proqramına cəlb ediliblər, cəbhə xəttinə göndəriliblər. 31 nəfərin sırasından 2 nəfər döyüşlərin gedişində yaralanıblar, müxtəlif dərəcəli xəsarətlər alıblar. Hazırda vəziyyətləri normaldır. Monotorinqlərin nəticəsinə görə, 31 nəfərdən hər birinin xidməti qüsursuz, sağlıqları normaldır. Əlavə olaraq, döyüş bölgəsində həqiqi hərbi xidmətdə olan sabiq KİV işçisi- ATV-nin keçmiş montajçı-əməkdaşı Davud Qurbanov oktyabrın 5-də şəhid olub.
Səfərbərlik proqramına cəlb edilmiş jurnalistlərin siyahısı
QEYD: Məlumatlara görə, hərbi səfərbərlik proqramına cəlb edilərək döyüşlərdə iştirak etmiş jurnalistlərin sayı ümumilikdə 50 nəfərə yaxın olub. Bizim hazırladığımız Siyahıya cəbhəyə getməsi barədə informasiyanı ictimailəşdirmiş 31 nəfərin adları daxil edilib. Bu barədə informasiyanı ictimailəşdirməmiş şəxslərin adları siyahıya daxil edilməyib.
1) İlham Tumas: İTV
2) Rəşad Rəşidov: İTV
3) Bəxtiyar Məcidli: ATV
4) Bəhruz Rzayev: ATV
5) Davud Qurbanov: ATV ( şəhid olub )
6) Fariz Əzimov: ARB24
7) Mail Əsgərov: ARB24
8) Nurlan Əliməmmədov: ARB24
9) Nurlan Cəfərli: Space Tv
10) Orxan Şükür: Space Tv
11) İsmayıl Hüseynov: Real TV
12) Süleyman Vəliyev: CBC
13) Yelmar Məmmədli: Baku TV
14) Daşqın Əzizov: Baku TV
15) Vaqif Hüseyn- “Yeni Musavat” qəzeti
16) Rey Kərimoğlu: “Qazilər” qəzeti:
17) Taleh Şahsuvarov: Aznews.az
18) Məğrur Əliyev (Əlipolad): “Kaspi” qəzeti
19) Mahal Məmmədov – idman jurnalisti,
20) Nahid Salayev: “Bakı xəbər” qəzeti
21) Aqşin Kərimov: Oxu.az xəbər portal
22) Emin Piri: "Ədalət" qəzeti
23) Aqşin Evrən: "Kult.az" xəbər portal
24) Anar Miriyev: “İki sahil” qəzeti
25) Nəsimi Şərəfxanlı: cümhuriyyət.az saytı
26) Rəşad Baxşəliyev: “Azərbaycan” qəzeti
27) Fərid Teymurxanlı: Vesti.az
28) Rasim Bayramov: Mövqe qəzeti
29) Tural Turan: REDnews.az və axar az.
30) Mehman Əşrəfov - Sportal.az
31) Xalid Ağaliyev: Media hüquqları İnstitutu
